Van der Poelentzat lehen etapa eta lidergoa; eta Pello Bilbao, hirugarren

Mathieu van der Poel herbeheretarrak (Alpecin-Fenix) irabazi du Italiako Giroko lehenengo etapa. Budapesten hasi eta Visegraden amaitu da, 195 kilometroko ibilbidearekin. Ondorioz, Van der Poel da edizio honetako lehen liderra, azken metroetan Biniam Girmayri eta Pello Bilbaori gailenduta.

Edizio honetako lehen ihesaldiko protagonistak bi italiar izan dira, Mattia Bais eta Filippo Tagliani, biak Drone Hopper Androni Giocattoli taldekoak. 10 minutu izan da zabaldu duten alderik handiena.

Baina tropel nagusiam Alpecin Fenix taldea lanean jarri da eta bi iheslariak helmugarako 14 kilometrora harrapatu dituzte. Hortik aurrera mugimentu ugari izan da tropel nagusian, baina pixkanaka-pixkanaka talde indartsuek lasterketaren kontrola hartzen joan dira.

Van der Poel faboritoen artean izan da lehen etapa irabazteko aurreikuspenetan. Azken 3 kilometroetan % 8rainoko aldapak igo behar izan dituzte, eta horrek ikuskizuna eman du. Caleb Ewanek ere esprinta lehiatu nahi izan du baina azken metroetan erori egin da, eritrearraren atzeko gurpila ukitu ostean.

Erorikoak mesede egin dio Pello Bilbaori, gernikarra hirugarren izan da helmugan Magnus Cort danimarkarrari aurrea hartuta. Horri esker, bizkaitarrak denbora-saria jaso du. Richard Carapaz ere aurreko zortzien artean helmugaratu da.

Ikusi 2. etaparen profila

1. ETAPAREN SALKAPENA

1 - VAN DER POEL Mathieu (Alpecin-Fenix) 4:35:28

2 - GIRMAY Biniam (Intermarché - Wanty - Gobert Matériaux) +0:00

3 - BILBAO Pello (Bahrain - Victorious) +0:00

4 - CORT Magnus( EF Education-EasyPost) +0:00

5 - KELDERMAN Wilco (BORA - hansgrohe) +0:00

6 -  CARAPAZ Richard (INEOS Grenadiers) +0:00

7 - MOLLEMA Bauke (Trek - Segafredo) +0:00

8 - ULISSI Diego (UAE Team Emirates) +0:00

9 - VENDRAME Andrea (AG2R Citroën Team) +0:04

10 - SKJELMOSE JENSEN Mattias (Trek - Segafredo) +0:04

23 - LANDA Mikel (Bahrain - Victorious) +0:04

SAILKAPEN NAGUSIA

1 - VAN DER POEL Mathieu (Alpecin-Fenix) 4:35:18

2 - GIRMAY Biniam (Intermarché - Wanty - Gobert Matériaux) +0:04

3 - BILBAO Pello (Bahrain - Victorious) +0:06

4 - CORT Magnus (EF Education-EasyPost) +0:10

5 - KELDERMAN Wilco (BORA - hansgrohe) +0:10

6 - CARAPAZ Richard (INEOS Grenadiers) +0:10

7 - MOLLEMA Bauke (Trek - Segafredo) +0:10

8 - ULISSI Diego (UAE Team Emirates) +0:10

9 - VENDRAME Andrea (AG2R Citroën Team) +0:14

10 - SKJELMOSE JENSEN Mattias (Trek - Segafredo) +0:14

23 - LANDA Mikel (Bahrain - Victorious) +0:14