Txirrindularitza
Trentinoko Giroa
Mikel Landak irabazi du azken etapa; Evansek, sailkapen nagusia
Erredakzioa
Arabarra Louis Meintjes (MTN) hegoafrikarrari eta Franco Pellizotti (Androni) italiarrari gailendu zaie.
-
Cadel Evans gailendu da Trentinoko Giroko sailkapen nagusian. EiTB.
Mikel Landa gasteitzarrak irabazi du Trentinoko Giroko laugarren eta azken etapa, Val Daone eta kategoria bereziko Monte Bondone artekoa. Sailkapen nagusiari dagokionez, garaipena Cadel Evans australiarrak lortu du.
Arabarra Louis Meintjes (MTN) hegoafrikarrari eta Franco Pellizotti (Androni) italiarrari gailendu zaie helmugan.
Landak argi utzi du sasoiko dagoela, asteazkenean San Giacomon eta ostiral honetako azken etapan lortutako garaipenekin.
Bondoneko etapan, arabarrak amaiera bikaina eman dio Astana taldeak egindako lanari, eta bere ibilbide profesionaleko garaipenik garrantzitsuena lortu du, 2010ean debuta egin zuenetik.
