Txirrindularitza
FITXAKETA
Rohan Dennis erlojupeko munduko txapeldunak Ineosen korrituko du
AGENTZIAK | ERREDAKZIOA
Bi urteko kontratua sinatu du, eta, besteak beste, Egan Bernal, Geraint Thomas eta Chris Froome izango ditu taldekide.
-
Rohan Dennis. Argazkia: Team Ineos
Ineos taldeak Rohan Dennis txirrindulari australiarraren fitxaketa iragarri du astelehen honetan.
Dennisek 29 urte ditu eta Bahrain-Merida taldetik dator. Ozeaniakoak etapa garaipenak ditu hiru itzuli handietan, eta munduko onena izan zen erlojuaren aurka 2018an eta 2019an.
"Dagoeneko sentitzen dut berrikuntzan benetan sinesten duen taldearekiko lotura, bereziki erlojupeko probari dagokionez. Argi dago izugarri gustatzen zaidan alderdia dela hori", adierazi du Dennisek ohar baten bidez.
