Txirrindularitza
Pistako txirrindularitza
Tania Calvo eta Naia Amondarain Espainiako txapeldun, Madison mailan
AGENTZIAK | EITB MEDIA
Ziortza Isasi eta Ana Usabiaga hirugarren izan dira. Larunbatean ere Calvok Espainiako txapelketa irabazi zuen, baina Omnium mailan.
-
Tania Calvo txirrindularia. Argazkia: @ETXFed.
Tania Calvok eta Naia Amondarainek Espainiako txapelketa irabazi dute pistako txirrindularitzako Madison kategorian.
Calvok azken puntuazioan Eva Anguel mendean hartu ostean irabazi dute titulua arabarrak eta Amondarainek.
Proba berean, Ziortza Isasi eta Ana Usabiaga hirugarren izan dira.
Omnium mailan ere, txapeldun
Tania Calvok asteburu bikaina izan du, larunbatean Omnium mailako Espainiako txapelketa irabazi zuelako. Lehia estu-estua izan zuen lasterketa horretan, maila handiko aurkariak izan zituelako.
Laura Rodriguez bigarren izan zen eta Naia Amondarain hirugarren. Amondarain, gainera, 23 urtez azpikoen Espainiako txapelketa ere bereganatu du.
