Txirrindularitza
Kontratu berritzea
Juan Ayusok 2028ra arte berritu du kontratua UAE Emiratesekin
AGENTZIAK | EITB MEDIA
Kataluniarrak profesional mailako bere lehen garaipena lortu zuen Getxon eta sei egun beranduago kontratua luzatu du talde arbiako.
-
Juan Ayuso Getxon. Argazkia: EFE
UAE Emirates taldeak larunbat honetan iragarri duenez, Juan Ayusorekin (Bartzelona, 2002) zuen kontratua 2028ra arte luzatuko du, Bartzelonako txirrindulariak Getxoko Zirkuituan (Bizkaia) profesional mailan bere lehen garaipena lortu ostean.
"UAE Team Emirates pozik dago Juan Ayusoren kontratuaren luzapena iragartzeaz, 2028aren amaierara arte berritu baitu. 2021aren erdialdean sartu zen taldean, talentu gazteak garatzeko epe luzerako planen barruan", azaldu du taldeak bere orrialde ofizialean.
UAE Emiratesek azpimarratu duenez, Ayusok, "profesionaletan lehen denboraldia duen arren eta zirkuituko gazteenetako bat izanda, bere lehen garaipena lortu du Getxoko Zirkuituan".
Ayusok 19 urte ditu, eta taldeko izarra den Tadej Pogacarrekin batera arituko da datozen urteetan.
