Jumbo-Vismak irabazi du taldekako erlojupekoa, eta Henderson da Vueltako lehen liderra

Emakumezkoen Espainiako Vuelta astelehen honetan hasi da, taldekako erlojupeko batekin, Torreviejan (Alacant), 14,5 kilometroko ibilbidearekin, eta Jumbo-Visma nagusitu da bertan. Ondorioz, Anna Henderson txirrindulari britainiarrak jantzi du liderraren lehen elastikoa.

Hendersonen eta lasterketa irabazteko hautagaietako bat den Marianne Vos herbeheretarraren taldeak 18:03ko denbora behar izan du erlojuaren aurka ibilbidea egiteko, eta segundo bakarreko tartearekin gainditu du bigarren izan den Canyon//SRAM taldea (18:04). Trek-Segafredok eskuratu du hirugarren postua (18:12), eta iazko irabazle Annemiek Van Vleutenen Movistar Team taldeak laugarren egin du (18:15).

Astearte honetan, bigarren etapa jokatuko da, Orihuelan hasi eta Pilar de la Horadadan amaituko dena. 105,8 kilometroko ibilbide laua izango da, gehien-gehienean, baina 4. mailako mendate bat igoko dute 86,5. kilometroan, Rebate.

ETAPAKO AILKAPENA:

1 - TEAM JUMBO-VISMA 18:03

2 - CANYON//SRAM RACING +00:01

3 - TREK - SEGAFREDO +00:09

4 - MOVISTAR TEAM +00:12

5 - TEAM SD WORX +00:14

6 - FDJ-SUEZ +00:25

7 - TEAM DSM +00:25

8 - TEAM JAYCO ALULA +00:31

9 - UAE TEAM ADQ +00:41

10 - LIV RACING TEQFIND +00:42

16 - LABORAL KUTXA-FUNDACION EUSKADI +01:40

18 - BIZKAIA-DURANGO +01:43

20 - SOPELA WOMEN'S TEAM +02:13

SAILKAPEN NAGUSIA:

1 - HENDERSON, Anna (Jumbo-Visma) 0:18:03

2 - KRAAK, Amber (Jumbo-Visma) d.b.

3 - VOS, Marianne (Jumbo-Visma) d.b.

4 - MARKUS, Riejanne (Jumbo-Visma) d.b.

5 - DYGERT, Chloe (Canyon//SRAM Racing) +0:01

6 - SKALNIAK-SÓJKA, Agnieszka (Canyon//SRAM Racing) d.b.

7 - NIEWIADOMA, Katarzyna (Canyon//SRAM Racing) d.b.

8 - CHABBEY, Elise (Canyon//SRAM Racing) d.b.

9 - BAUERNFEIND, Ricarda (Canyon//SRAM Racing) d.b.

10 - DEIGNAN, Elizabeth (Trek - Segafredo) +0:09