Frantziako Tourra 2023
Hautagaiak
Frantziako Tourra irabazteko faboritoak
EITB Media
Tadej Pogacar eta Primoz Roglic esloveniarrak dira Tourra irabazteko hautagai nagusienak.
Bideoak (1)
Faborito nagusienak
Tadej Pogacar (UAD): iazko garailea. Esloveniarra aurten ere irabazteko txirrindulari nagusiena dela dirudi. Roglic izango da bere aurkari indartsuena.
Primoz Roglic (TJV): bigarren izan zen 2020ean. Azken erlojupekoan galdu zuen aurretik irabazitakoa. Zaila izango du Pogacar gazteari irabazteko.
Podiuma egiteko hautagaiak
Richie Porte (IGD): podiumera igo zen iaz. Aurten Ineos taldean dago eta Carapaz eta Thomas izango ditu taldekide.
Richard Carapaz (IGD): hasiera batean Porteren eta Thomasen aurretik dago. Halere, errepideak aginduko du eta hor ikusiko da nor den benetako taldeburua.
Geraint Thomas (IGD): Ineos taldeko onenen artean egoteko beste hautagai bat. Bere taldekideak laguntzeko prest?
Simon Yates (BEX): batek daki zer nolako maila emango duen. Kalitate handikoa, baina bere errendimendua ez dago ziurtatuta.
Rigoberto Urán (EFP): zazpigarren egin zuen aurreko denboraldian eta erakustaldia eman du Suitzako Tourrean. Kolonbiarra ondo helduko da.
Miguel Ángel López (Movistar Team): Astana taldearekin seigarren izan ze iaz. Movistarren apustua da lehenengo hiruren artean egoteko.
Enric Más (Movistar Team): bosgarren tokia erdietsi zuen 2020ean (Mikel Landaren atzetik); aurten 'Superman Lopez' izango du lagun, baina ikusi beharko da nor den taldeko gizon indartsuena sailkapen nagusirako.
