Matej Mohoricek irabazi du 19. etapa eguneko ihesaldiari amaiera bikaina emanda

Matej Mohoric izan da garailea Frantziako Tourreko 19. etapan, 100 kilometroko ihesaldiari amaiera bikaina emanda. Txirrindulari esloveniarrak 25 kilometroren faltan ekin dio erasoari ihesaldia atzean utziz. Ion Izaguirre euskalduna ere eguneko ihesaldian izan da, baina ez du zorterik izan eta 18. postuan helmugaratu da. Sailkapen nagusian, aldaketarik ez: Tadej Pogacarrek lidergoan darraio eta maillot horiarekin izango da biharko erlojupekoan.

Esloveniako txapeldunak 100 kilometro iraun duen eguneko ihesaldia harrapatu du, Ion Izaguirre eta beste zenbait txirrindulariekin batera. Hala, 10 minutu baino gehiagoko aldearekin heldu dira iheslariak azken kilometroetara.

Hala ere, Mohoricek erasoari ekin dio 25 kilometroren faltan. Erlojupekoan dituen doaiak erakutsiz, esloveniarrak bakar-bakarrik gurutzatu du Libourneko helmuga.

Euskaldunen artean, Ion Izaguirre izan da onena 18. postuan.

Horrenbestez, Mark Cavendishek ez du lortu Eddie Merckxen errekorra hautsi eta Eliseo Zelaietako etapan saiatu beharko da.

19. ETAPAKO SAILKAPENA:

1 - MOHORIC Matej (UAE) 4:19:17

2 - LAPORTE Chirstophe (Cofidis) +58"

3 - PEDERSEN Casper (DSM) +58"

4 - TEUNISSEN Mike (Jumbo) +1'02"

5 - POLITT Nils (BORA) +1'08"

6 - THEUNS Edward +1'08"

7 - VALGREN Michael +1'08"

8 - ZIMMERMANN Georg +1'08"

9 - TURGIS Anthony +1'10"

10 - STUYVEN Jasper +1'10"

SAILKAPEN NAGUSIA 19. ETAPAREN OSTEAN:

1 - POGACAR Tadej (UAE) 79:40:09

2 - VINGEGAARD Jonas (Jumbo) +5'45"

3 - CARAPAZ Richard (INEOS) +5'51"

4 - O'CONNOR Ben (AG2R) +8'18"

5 - KELDERMAN Wilco (BORA) + 8'50"

6 - MAS Enric (Movistar) +10'11"

7 - LUTSENKO Alexey (Astana) +11'22"

8 - MARTIN Guillaume (Cofidis) +12'46"

9 - BILBAO Pello (Bahrain) +13'48"

10 - URAN Rigoberto (EF Education) +16'25"