Frantziako Tourra 2023
Larunbata, uztailak 15
Frantziako Tourreko 14. etaparen profila eta ibilbidea: Annemasse-Morzine les Portes du Soleil (151,8 km)
EITB MEDIA
4.200 metroko desnibel metatuak proban jarriko ditu parte-hartzaileen erresistentzia, Morzinen garaipena lortu nahi badute, beren jaitsiera-dohainak erakusteko beharraz jabetuko direnak.
-
2023ko Frantziako Tourreko 14. etaparen profila. Argazkia: letour.fr
2023ko Frantziako Tourreko 14. etapa, uztailaren 15ean jokatuko dena, errepide menditsuetatik igarotzen jarraituko du. Annemassetik irten eta Morzine les Portes du Soleilen amaituko da. 151,8 kilometroko ibilbidearekin, etapa 13:05ean hasi eta 17:18 aldera amaituko da.
14. etapak bost mendate igoera izango ditu, zein baino zein gogorragoa, hiru lehen mailakoak baitira. Col de Saxel (3. maila, % 4,6an), Col de Cou (1. maila, % 7,4an) eta Col du Feu (1. maila, % 7,8an) lasterketaren lehen zatian daude.
Txirrindulariek atseden txiki bat izango dute Col de la Ramazera iritsi arte. 13,9 kilometroko igoera da, 1. mailakoa % 7,1ean. Maldan behera jarraitzen du, eta 10 kilometro haranean, Joux Plane maila bereziko mendatearekin egingo dute topo. 11,6 kilometroko igoera % 8,5ean.
4.200 metroko desnibel metatuak proban jarriko ditu parte-hartzaileen erresistentzia, Morzinen garaipena lortu nahi badute, beren jaitsiera-dohainak erakusteko beharraz jabetuko direnak.
Etapa EITBn izango da ikusgai, zuzenean. Emanaldia 14:35ean hasiko da eitb.eus-en, eta 15:00etan ETB1en.
13. etaparen profila | 15. etaparen profila
Frantziako Tourreko 14. etaparen profila. Argazkia: letour.fr
------------------------------------------
Col de La Ramazerako igoera, 2023ko Frantziako Tourraren 14. etapan. Argazkia: ©A.S.O
------------------------------------------
Joux Planerako igoera, 2023ko Frantziako Tourraren 14. etapan. Argazkia: ©A.S.O
FITXA TEKNIKOA:
Etapa: 14. etapa (uztailak 15, larunbata)
Ibilbidea: Annemasse – Morzine les Portes du Soleil
Distantzia: 152 km
Goranzko desnibel metatua: 4.200 metro
Irteera ordua: 13:05
Iritsiera ordua: 17:18 (38 km/h) | 17:33 (36 km/h) | 17:51 (34 km/h).
Mendiko saria: Col de Saxel (3. maila), 18,7. kilometroan; Col de Cou (1. maila), 35,3. kilometroan; Col du Feu (1. maila), 52,7. kilometroan; Col de la Ramaz (1. maila), 101,6. kilometroan; Col de Joux Plane (Maila berezia), 139,8. kilometroan.
