Publizitatea
Itxi

2021/01/18

17:01

Artea

2021eko erakusketak

Alice Neel eta emakume abstrakziogileak, aurten Guggenheim museoan

N. V. | EITB Media

Alice Neel estatubatuar pintorearen lanari buruzko atzerabegirakoa irailaren 17tik aurrera egongo da ikusgai Bilboko museoan.

  • "Elenka", Alice Neel

    "Elenka", Alice Neel. © The Estate of Alice Neel. Courtesy

  • Whatsapp
  • Whatsapp
  • Telegram
  • Bidali

Alice Neel estatubatuar margolariaren lanari buruzko atzera begirako erakusketa, joan den mendeko 20ko hamarkadako arteari buruzkoa eta emakume abstrakziogileen lanen bilduma izango dira protagonista aurten Guggenheim Bilbao Museoan.

Lehenago, datorren astean, “Bilbo eta pintura” erakusketa irekiko dute: Guiar, Arteta, Zubiaurre…

Maiatzean irekiko dute urteko erakusketa azpimarragarrienetako bat, Chirstian Schadek, Greta Jurgensek eta beste hainbat artistak joan den urteko 20ko hamarkadan egindako lanak bilduko dituena: ikus-entzunezkoak, orduko jazz eta charlestona dantzatzeko pista… Calixto Beitio Arriaga antzokiko zuzendari artistikoak diseinatuko du erakusketa hori.

Ekainean, bere funtsekin prestatutako erakusketa hirukoitza aurkeztuko du Guggenheimek: “Asmamenaren ildoa” izena du horietako batek, eta Yoko Onok museoan performance bat egin zuen margotutako mihiseen bilduma hartuko du; bigarrenak, Antonio Serraren, Henri Michauxen eta Georg Baelitzen pieza figuratiboak bilduko ditu, besteak beste; hirugarrenak, Rodney Grahamen, Prudencio Irazabalen eta beste artista batzuen koadro abstraktuak erakutsiko ditu.

Udaren ondoren iritsiko da Alice Neel (1900-1984) estatubatuar pintoreari eskainitako atzera begirako erakusketa. Giza duintasunaren alde egiten duten ehun bat obra bilduko dituzte AEBn ezagun baina Europan ezezagun samarra den artista honen erakusketan.  

Urrian, “Emakumeak abstrakziogile” erakusketan, hainbat diziplinatan jardun ziren 200 emakumeren lanak jarriko dituzte ikusgai; tartean, Sonia Delauny, Natalia Gontcharova eta Sophie Taeuber-Arpen koadro abstraktu eta koloretsuak.

Horiez gain, hiru erakusketa jarriko dituzte Film & Video aretoan: Alex Reynolds Bruselan ezarritako bilbotar artistarena; “Tximistaren dantza”, Cecilia Bengolea argentinarrarena, eta “Noa Eshkolen Mugimendu Notazioko lau ariketa”, Sharon Lockharten bideoinstalazioa.

  • Bisitatuena

      Kargatzen ikusiena
      Kargatzen ikusiena
    ;