Bertsolaritza
Iragarpena
Bertsolaritza kultura ondare immaterial izendatuko du Jaurlaritzak datozen hilabeteetan
EITB Media
Bingen Zupiria Eusko Jaurlaritzako Kultura sailburuak iragarri du erabakia gaur, kontrolerako osoko bilkuran.
-
Euskal Herriko Bertsolari Txapelketa Nagusiarne finala, 2022ko abenduan. Argazkia: Efe.
Bingen Zupiria Eusko Jaurlaritzako bozeramaile eta Kultura eta Hizkuntza Politikako sailburuak iragarri du bertsolaritza kultura ondare immaterial izendatuko dutela datozen hilabeteetan. Eusko Legebiltzarrean ostiral honetan izan den kontrolerako osoko bilkuran egin du iragarpena.
Eusko Jaurlaritzak kultura ondare immaterial izendatuko duen lehen elementua izango da bertsolaritza, "bere babesa eta transmisioa bultzatzeko".
2018an, Nafarroako Gobernuak Kultur Intereseko Ondasun izendatu zuen bertsolaritza, eta 2022ko azaroan Frantziako Kultura Ministerioak sartu zuen bertsolaritza kultura ondare immaterialen katalogoan.
