Itxi

kultura

Euskara

Ama Hizkuntzaren Eguna

#MemeML, edo nola egin barre ama hizkuntza erabilita

EITB.EUS

Ama Hizkuntzaren Nazioarteko Eguna da otsailaren 21a. Eleaniztasuna aldarrikatzeko eta hizkuntza gutxituen defentsa egiteko lehiaketa antolatu dute sare sozialetan, #MemeML etiketapean.

  • Maite Goñiren 'meme'a

    Maite Goñik (@euskaljakintza) lehiaketarako prestatutako 'meme'etako bat.

Otsailaren 21ean Ama Hizkuntzaren Nazioarteko Eguna ospatzen da. Urtero bezala, norberaren hizkuntzaren eta eleaniztasunaren aldeko mezua zabaldu du UNESCOk, eta aurten hezkuntza eleaniztasunaren garrantzia azpimarratu nahi izan du.

Adierazpen instituzionalarekin gogoetarako abagunea sortzeaz gain, dibertitzeko aitzakia ere eman du nazioarteko egun honek, eta Rising Voices erakundeak ama hizkuntzen 'meme' lehiaketa (Mother Language Meme Challenge) jarri du abian. 34 hizkuntzatan, tartean euskaraz, egin daiteke muntaia edo broma.

Egitekoa ez da bereziki zaila: irudia ('meme'ak sortzeko dauden erremintaren bat erabil daiteke edo norberak sortu) eta testua aukeratuta, Twitter, Facebook edota Instagramen zabaldu #MemeML eta dagokion hizkuntzaren etiketa erabilita (#euskara, esaterako). Erabiltzaile ugarik bat egin dute erronkarekin, eta dagoeneko hasi dira sareak astintzen. #MemeML eta #euskara etiketak Umap.eus-eko joeren zerrendaren lehen postuetan daude jada. Hona ale batzuk:

 

 

 

 

 

 

 

 

 

    • © EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa

    #-ent_adh_conf_online-#