Musika
OLBE
Ainhoa Artetak irekiko du OLBEren denboraldi berria, 'La Boheme'rekin
Agentziak | Erredakzioa
Pucciniren opera Euskalduna jauregian taularatuko dute larunbatean, urriak 20, eta hilaren 23, 26, 27 eta 29an.
OLBE Opera Lagunen Bilboko Elkarteak urriaren 20an, larunbatarekin, abiatuko du bere 67. denboraldia, “La Boheme” Pucciniren opera taularatuta, Ainhoa Arteta Mimi protagonista dela.
Ikusmin handia dago 2018-19 denboraldirako, eta asteazkeneko entsegu orokorrerako sarrerak agortu egin ziren. Pucciniren lanak jostungai baten (Ainhoa Arteta) eta poeta bohemio baten (Teodor Ilincai tenorra) arteko maitasun istorioa kontatzen du, XIX. mendeko Parisen kokatuta.
Larunbatean ez ezik, hilaren 23, 26, 27 eta 29an ere taularatuko dute “La Boheme”, Euskalduna jauregian.
Palermoko (Sizilia) Antzokiaren ekoizpen honetan, Teatro Massimok Zuzendaritza musikala Pedro Halffterren lana da, eta zuzendari eszenikoa Mario Pontiggia argentinarra da.
