Musika
Abenduak 22
Kalakanek 'Kantuz' ikuskizuna aurkeztuko du Baionan
eitb.eus
Aukeran dantza konpainia, Andoni Aguirre eta Lutxi Nesprias pianistak eta Berçaits anaien ahotsak izango ditu hirukoteak lagun abenduaren 22ko aurkezpenean.
-
Abenduaren 22an hasiko da kontzertua, Laugan
Abenduaren 22an, Kalakan kantari eta perkusionisten hirukoteak "Kantuz" musika eta dantza batzen dituen ikuskizuna aurkeztuko du Baionan, Laugan.
Gaualdi horretarako, Andoni Aguirre eta Lutxi Nesprias pianistak izango ditu lagun Kalakanek, eta hainbat kantu ezagunen bertsio berriak eskainiko dituzte, hala nola "Ikusten duzu goizean", "Ravelen boleroa" eta "Sagarra jo".
Dantzak ere hartuko du taula, Aukeran dantza konpainiaren eta Edu Muruamendiarazen koreografien eskutik, eta Berçaits anaien ahotsak ere entzungo dira "Kantuz"en.
Gaualdiko lehen zatian, Haiz'Egoa ttiki haur abesbatza arituko da, Maialen Errotabehereren zuzendaritzapean.
21:00etan hasiko den ikuskizunerako txartelak salgai daude Baionako Turismo Bulegoaren webgunean, 20 euroan (14 euro, 15 urtetik beherakoentzat).
