Itxi

Musika

Bigarren programa

Euskadiko Orkestrak Pascal Gaigneren bi lan estreinatuko ditu

N. V. | EITB Media

"Urrutiko arimak" eta "Urrutiko azalak" orkestrak urriaren 28tik azaroaren 4ra Donostia, Gasteiz, Bilbo eta Iruñera eramango duen programan izango dira.

  • Gaignere eta Txaikovskiren lanak izango dira bigarren kontzertu programan

    Gaignere eta Txaikovskiren lanak izango dira bigarren kontzertu programan

Euskadiko Orkestrak "Urutiko arimak" eta "Urruneko azalak" Pascal Gaigne soinu banden egile ospetsuak (Goya saria irabazi zuen "Handia"n egindako lanagatik) pandemia garaian konposatutako lanak estreinatuko ditu denboraldiko programako bigarren kontzertu sortan.

Bi pieza horiek Euskadiko Orkestrak urriaren 28tik azaroaren 4ra eskainiko duen kontzertu programan izango dira, Donostian (Kursaal, urriak 28 eta 29), Gasteizen (Principal antzokia, azaroak 2), Bilbon (Euskalduna jauregia, azaroak 3) eta Iruñean (Baluarte, azaroak 4).

Pandemia garaian, Pascal Gaignek orkestrari proposatu zion bi obra idaztea, bata orkestraren musika tresnen erdirako eta bestea orkestraren musika tresnen beste erdirako, biak batera edo bakoitza bere aldetik jo zitezkeenak.

Baina gainera bitxiena da bi piezak gainjarri egin daitezkeela eta, ondorioz, orkestra osorako den hirugarren obra bat sortzen dela.

Gaigneren lanez gain, Jaume Santonja zuzendari elkartuak Txaikovskiren bi sinfonia goiztiar aurkeztuko ditu kontzertu sorta honetan: lehenengoa eta hirugarrena. Ez dira bere azken trilogia famatua osatzen dutenak bezain ezagunak, baina ezinbestekoak dira edozein orkestraren programazioan funtsezkoa den egile errusiar horren sormen bilakaera ulertzeko, Euskadiko Orkestratik azaldu dutenez.

  • Bisitatuena

      Kargatzen ikusiena
      Kargatzen ikusiena