The Washington Post eta Tampa Bay egunkarientzat, Pulitzer sariak

The Washington Post eta Floridako Tampa Bay egunakariek jaso dituzte Pulitzer sari nagusiak. Pulitzer sari entzutetsuaren 100. edizioa izan da aurtengoa.

The Washington Post-ek Ameriketako Estatu Batuetan Poliziaren indarkeriak izan duen eraginari buruz egindako lana saritu dute. Tampa Bay egunkariari dagokionez, Floridako  buruko gaitzetako instituzioetan izandako  indarkeria kasuak ikertzeko egin duen lana saritu dute.

Sarasota Herald Tribune egunkariak, berriz, tokiko kazetaritza onenaren saria jaso du, porrot egin duten eskola publikoen harira publikatutako lanengatik.

Nazioarteko sarien artean, The New York Times egunkariak irabazi du, Afganistanen bizi diren emakumeen pairatzen dituen baldintza latzak agerian uztegatik.

Argazkilaritzari dagokionez, The New York Times eta Reuters agentzia saritu dituzte, Europa errefuxiatuen krisiari lotuta argitaratu dituzten irudiengatik.

Azken orduko albisteen sailkapenean, L.A. Times egunkariak egindako lana saritu dute, San Bernardinoko sarraskia zabaltzeagatik. 2015eko abenduan jazo ziren gertakariak. 14 pertsona hil  eta 20 baino gehiago zauritu zituzten Kalifornian.