Zinema
14. edizioa
Zinemarako sarrerak 2,90 euroan EAEn eta Nafarroan, Zinemaren Jaian
Agentziak | Erredakzioa
Maiatzaren 7tik 9ra, Zinemaren Jaiaren hamalaugarren edizioa egingo dute Espainiako Estatu osoko zinema aretoetan.
Arabako, Bizkaiko, Gipuzkoako eta Nafarroako zinema aretoetarako sarrerek 2,90 euroko prezioa izango dute maiatzaren 7, 8 eta 9an, egun horietan Zinemaren Jaiaren hamalaugarren edizioa ospatuko dutela eta.
Txartelak prezio murriztuan lortzeko modua aurreko edizioetako berbera izango da: 14 urtetik beherakoek eta 60 urtetik gorakoek izan ezik, ikusleek akreditazioa bete beharko dute, apirilaren 10etik aurrera, Zinemaren Jaiaren webgunean.
Sarrerak hiru bide erabiliz eskuratu ahalko dira: aretoetako txarteldegiak, aretoen atarietako salmenta kutxazainak eta Internet bidezko ohiko salerosketa sareak.
