Zinema
Azaroak 15
Zinebik Márta Mészáros hungariar zinemagileari emango dio Ohorezko Mikeldi saria
Agentziak | Erredakzioa
Emakumeenganako interes bizia erakutsi du bere lan guztietan, eta Berlinalen film onenaren Urrezko Hartza irabazi zuen lehen emakumea izan zen, "Örökbefogadás" (Adopzioa, 1975) pelikularekin.
-
Meszarosek azaroaren 15ean jasoko du Mikeldi saria, jaialdiaren itxiera galan
Zinebi Zinema Dokumentalaren eta Film Laburren Bilboko jaialdiak Márta Mészáros hungariar zinemagileari emango dio 61. edizioko Ohorezko Mikeldi saria. Zinemagileak jaialdiaren itxiera galan jasoko du saria, azaroaren 15ean, Arriaga antzokian.
Mészáros (Kispest, Hungaria, 1931) Hungarian film luze bat sinatu zuen lehen emakumea izan da, eta bere obran emakumeenganako interes bizia agertzen du.
Zinebik zuzendariaren lanik azpimarragarrienak proiektatuko ditu Bilboko Arte Ederren Museoan, tartean “Örökbefogadás” Berlingo azken jaialdian zaharberrituta estreinatu zuten lana. Berlinen lehiatu zen lehen hungariar filma izan zen. Gainera, urte horretan bertan, 1975ean, film onenaren Urrezko Hartza irabazi zuen, emakume batek lortu zuen lehena.
