Zinema
Heriotza
Jose Luis Cuerda espainiar zinemagilea hil da
Agentziak | Erredakzioa
Zuzendari, ekoizle eta gidoigilea Madrilgo bere etxean zendu da, 72 urte zituela.
-
Jose Luis Cuerda, Donostiako 2018ko Zinemaldian. Argazkia: Efe.
Jose Luis Cuerda zinema-zuzendari, ekoizle eta gidoigile espainiarra zendu da, Madrilgo bere etxean, 72 urte zituela, bere senideek iragarri dutenez.
Amanece que no es poco Espainiako zinemaren historiara pasatu den kultuzko filmaren zuzendariak 2018an estreinatu zuen haren jarraipena, Tiempo después, bere azken filma izan dena.
Amanece que no es poco surrealistaz gain, Cuerdak La lengua de las mariposas, Manuel Rivasen kontakizun batean oinarritutako pelikula, Los girasoles ciegos eta El bosque animado, Goya bat eman zion lana, ere zuzendu zituen.
Ekoizle gisa, Alejandro Amenabar zuzendariari lagundu zion Tesis, Abre los ojos eta Los otros filmetan.
