Zinema
Bilbon eta Donostian
Euskadiko Filmategiak ziklo bat eskainiko dio Eric Rohmerri
eitb.eus
"Nouvelle vague" mugimenduaren figura garrantzitsuaren lanak Donostian eta Bilbon ikusi ahalko dira, Donibane Lohizunen abiatuko den ziklo baten barruan.
-
Rohmerren hamaika pelikula izangoa dira ikusgai
Euskadiko Filmategiak Eric Rohmerren hamaika film proiektatuko ditu 2020ko urritik abendura, Donostiako Tabakaleran eta Bilboko Arte Ederren Museoan. Gaur, urriaren 1ean, Donibane Lohizuneko Cinema Le Select aretoan antolatutako emanaldi berezi batekin abiatuko da zikloa.
Eric Rohmer (1920-2010) literatura irakaslea, zinema kritikaria, Cahiers du Cinema aldizkariko zuzendaria (1957-1963) eta zinemagilea izan zen. Euskadiko Filmategiak azaldu duenez, nouvelle vague mugimenduaren sortzaileetako bat izan zen, bai eta Godard, Rivette, Chabrol eta Truffauten gidari espirituala ere.
Hasteko, Izpi berdea / Le rayon vert (Eric Rohmer, 1984) proiektatuko dute, gaur, ostegunarekin, Donibane Lohizunen, urriaren 2an Donostian eta urriaren 3an Bilbon. Hiru saioak Marie Riviere aktoreak aurkeztuko ditu.
Bestalde, Mariasun Landa idazleak urriaren 8an aurkeztuko du, Donostian, Nire gaua Mauden etxean / Ma nuit chez Maud (Éric Rohmer, 1968). Film guztiak jatorrizko bertsioan proiektatuko dira, horietako hiru euskarazko azpitituluekin eta gainerakoak gaztelaniazkoekin.
Emanaldietarako sarrera 3,50 euroan egongo dira salgai.
