telebista
22:30ean
Adam Sandleren 'Hazme reír' komedia, gaurko 'LND' saioan
EITB
Gainera, programak pelikula estreinatu berri duten bi aktoreren ibilbidea errepasatuko du: Mark Wahlberg eta Blake Lively.
Gaur Hazme reír komedia dibertigarria eskainiko du 'La Noche de...' saioak. Judd Apatow zinegilearen gidaritzapean, Adam Sandler aktorea da filmaren protagonista, eta berarekin batera, Seth Rogen, Leslie Mann eta Jonah Hill aktoreek lan egiten dute. Egun batetik bestera, albiste gogorra jasotzen duen umorista baten istorioa azaltzen du pelikulak: hil aurretik oso denbora gutxi gelditzen zaiola jakingo du eta, etsita, bere bizitzari zentzua emango dion norbaiten edo zerbaiten bila abiatuko da. Pelikularen filmazioaren datu guztiak eta aktore zerrendaren inguruko informazioa emango du programak.
Horrez gain, aste honetan pelikula berria estreinatu duten bi aktore hartuko ditu saioak protagonista, eta euren ibilbide profesional eta pertsonala errepasatuko ditu El rádar de 'La Noche de...' atalean. Bi aktoreak Mark Wahlberg eta Blake Lively izango dira.
Saioak, gainera, Los vascos conquistan Hollywood atal ezaguna eskainiko du. Besteak beste, lego piezekin egindako lehendakari bat aurkeztuko du.
Amaitzeko, ¿Monte o playa? atalak pelikuletako paraje zoragarrienak azalduko ditu.
'La Noche de... Hazme reir' gaur gauean izango da ikusgai, 22:30etik aurrera, ETB2n.
n.