Hauteskunde emaitzak aztergai, gaur, 'En Jake' saioan

Hauteskunde orokorren emaitzak aztertuko dituzte gaurko 'En Jake' saioan. Kolaboratzaile mahaian, Fabio Gonzalez, Patxi Gaztelumendi, Juan Mari Gastaca eta Rafa Suso izango ditu lagun Blanca Saezek, baita Jon Urresti soziologoa ere.

Gonbidatu berezi modura, berriz, Eduardo Maura eta Leopoldo Barreda hartuko dituzte, eta Pedro Azpiazu, Odon Elorza eta Marian Beitialarrangoitia duplex bidez elkarrizketatuko dituzte.

Podemos eta PSOE alderdien Madrilgo egoitzetara bidalitako berri-emaile bereziekin ere bat egingo dute.