telebista
22:25ean
'Alaska' abentura filma, gaur gauean, ETB2n
Fraser C. Heston zuzendari estatubatuarraren filmak, Thora Birch, Vincent Kartheiser eta Dirk Benedict ditu protagonista.
Euskal Telebistako Bigarren kateak Fraser C. Heston zuzendari estatubatuarraren Alaska (1996) filma eskainiko du, gaur gauean. Abentura oinarri duen film honek Thora Birch, Vincent Kartheiser eta Dirk Benedict ditu protagonista.
Emaztea hildakoan, Jake Barnes (Dirk Benedict) Alaskako Quincy herrira aldatu zen Sean (Vincent Kartheiser) eta Jessie (Thora Birch) seme-alabekin batera. Jake hegazkinez ibiltzen da lurralde horretan, gauzak batetik bestera garraiatzen. Eguraldi txarreko egun batean, ekaitz baten erdian, larrialdiko lurreratzea egin beharko du, eta mendi artean galduta geratuko da. Agintariek aita bilatzeko nahikoa egiten ez dutela iritzita, seme-alabak bila joango zaizkio. Abentura bat hasiko dute orduan aitaren bila.
Alaska filma gaur gauean izango da ikusgai, 22:25ean, ETB2n.
