telebista
Kirolak zuzenean
Real Union-Bilbao Athletic eta Jaka-Ugalde, gaur, EiTBn
A.A. | EiTB
Bigarren B Mailako futbolak eta Lau T'erdiko Promozio Txapelketak osatuko dute larunbateko kirol eskaintza.
Larunbatero bezala, futbolarekin ekingo diete ETB1ek eta eitb.eus-ek kirol emankizunei. 16:00etatik aurrera, Real Union-Bilbao Athletic partidaren kontakizuna egingo dute Naxari Altunak, Juanan Larrañagak eta Xabier Ormazabalek zuzenean Irungo Gal estadiotik.
18:00etan, Tolosako pilota jaialdia izango da ikusgai. Lehendabizi, Victor-Erasun eta Peña II-Untoria bikoteen arteko norgehiagoka jokatuko da. Ondoren, Jaka eta Ugalde neurtuko dira Lau T'erdiko Promozio Txapelketako finalerdietan. Josetxo Lizartza, Jokin Errasti eta Xabier Andueza izango dira esatariak.
Bestalde, Juan de la Vegak jardunaldiko futbol partiden errepasoa egingo du 22:45ean hasiko den 'Gol Festa' saioan.
/strong>saioan.