telebista
Kirol emankizunak
Tolosako pilota jaialdia, gaur, ETB1en eta eitb.eus-en
A.H. | EITB
Urrutikoetxea-Beroiz eta Altuna III-Barriola Binakako Txapelketako partidaz gain, Real Sociedad-Oiartzun norgehiagoka eskainiko dute.
Real Sociedad eta Oiartzun Emakumeen Futbol Ligako partida eskainiko du, gaur, Euskal Telebistak zuzenean, 12:00etatik aurrera. Naxari Altuna, Larraitz Lukas eta Xabier Ormazabal esatariek egingo dute partidaren kontakizuna ETB1en eta eitb.eus-en.
Arratsaldean, Tolosan jokatuko den Binakako Txapelketako partida izango da ikusgai, zuzenean: Urrutikoetxea-Beroiz /Altuna III-Barriola. Jaialdia 17:00etan hasiko da Gorka-Merino I / Jaka-Tolosa norgehiagokarekin, eta hirugarren neurketan, berriz, Jaunarena-Martija eta Elordi-Cecilio izango dira aurrez aurre. Xabier Euzkitzek, Joxan Tolosak eta Xabier Anduezak izango dute emanaldiaren ardura ETB1en eta eitb.eus-en.
Pilota emanaldiaren aurretik, 16:30ean, ziklo-krosari egingo diote tartea, goizean jokatutako Zuiako Nazioarteko Sariaren laburpena eskaintzeko.
trong>