telebista
22:00etan
Ezkontzarako prestatuko dira, gaur, 'La Esclava Blanca'n
EITB
Victoria ospakizunaren prestaketa lanetan arituko da eta Miguel bere esanetara jarriko dute, Victoria une oro lagundu eta babesteko.
ETB2k 'La Esclava Blanca' telesail kolonbiarraren bi atal berri eskainiko ditu gaur. Maitasuna eta esklabutza hizpide hartzen dituen istorio hunkigarria da eta XIX. mende hasieran, Kolonbiako Karibe aldeko kolonietan girotuta dago.
Victoria eta Nicolas Parreñoren arteko ezkontza geroz eta gertuago dago, eta Victoria ekitaldiaren prestaketa lanetan murgilduta dagoen bitartean, Nicolasek desioak bultzatuta ekinean egongo da bere atzean. Horrez gain, Miguel jarriko dute Victoriaren esanetara, markesa une oro lagundu eta babesteko.
Ezkontzaren egunean, ordea, gertakari larriek ospakizuna bertan behera utziko dute. Miguelek, orduan, Nicolasi bere fideltasuna erakusteko aukera izango du: bere bizitza arriskuan jarriko du Isabelita salbatzeko. Tomas eta Milagrosek orduan jakingo dute zein den Bracamonteko markesaren benetako identitatea.
'La Esclava Blanca' larunbat honetan emitituko da, 22:00etatik aurrera, ETB2n.
