Iker Irribarriaren hiru partida, arratsaldean, 'Gure Bideoteka' saioan

Gaur arratsaldean ez da zuzeneko pilota emanaldirik izango ETB1en eta eitb.eus-en, pilotarien oporraldia dela-eta. Honenbestez, 'Gure Bideoteka' tartea zabalduko dute eta bertan, Iker Irribarria egungo binakako txapeldun eta banakako txapeldun ordearen hiru partida eskainiko dira.

Hasteko, iazko Buruz Buruko Txapelketako finala izango da ikusgai: Urrutikoetxea-Irribarria. Jarraian, aurtengo Binakako Txapelketako finalaz gozatzeko aukera izango dugu: Irribarria-Rezusta / Bengoetxea VI-Larunbe. Amaitzeko, aurtengo Buruz Buruko finalerdietan aramarrak Beñat Rezustaren aurka jokatutako norgehiagoka berreskuratuko dute.

Lehenengo bi partidak Bizkaia pilotalekuan jokatu ziren eta hirugarrena, berriz, Atano III.enean. Esatari lanetan Xabier Euzkitze eta Joxan Tolosa arituko dira.