Lau t'erdiko San Fermin torneoko finala, gaur, ETB1en eta eitb.eus-en

Gaur gauean, Olaizola II.a eta Altuna III.a aurrez aurre jarriko dituen lau t'erdiko San Fermin torneoko finala eskainiko dute zuzenean ETB1ek eta eitb.eus-ek. Emanaldia goizeko 11:30ean hasiko da, eta txapelketako partidaren aurretik, Artola-Imaz eta Elezkano II.- Merino II. bikoteen arteko atariko partida eskainiko dute. Xabier Euzkitze eta Joxan Tolosa izango dira esatariak.

Horrez gain, Frantziako Tourraren zazpigarren etapa emango dute ETBk eta eitb.eus-ek zuzenean. Troyes eta Nuits Saint Georges herrien arteko 214 kilometroko etapa izango da. Emanaldia ETB4n hasiko da 12:00etan eta 15:00etan ETB1era pasako da. Fermin Aramendik, Xabier Usabiagak eta Pedro Mari Goikoetxeak egingo dute emanaldiaren kontakizuna.