Zuzeneko hiru kirol emanaldi izango ditugu gaur ETBn eta eitb.eus-en.

13:05ean egingo dute bat Frantziako Tourrarekin ETB1ek eta eitb.eus-ek. Lehen atseden egunaren ostean, ibilbide laburra eta laua osatu beharko dute txirrindulariek Périgueux eta Bergerac arteko 10. etapan. Fermin Aramendi, Xabier Usabiaga eta Pedro Mari Goikoetxea izango dira esatariak.

17:30ean, ETB4n eta eitb.eus-en, Erremonteko San Fermin Torneoko finala izango da ikusgai Uharteko Euskal Jai Berri pilotalekutik. Iñigo Aiestaranek eta Manuel Arrizabalaga Matxinek egingo dute Endika-Barrenetxea IV eta Uterga-Etxeberria III arteko norgehiagokaren kontakizuna.

22:15ean 'ETB Kantxa' saioak San Fermin jaietako pilota jaialdia eskainiko du. Lehendabizi, Arretxe II-L. Galartza / Dario-Jaunarena partida jokatuko da. Ondoren, Bengoetxea VI-Beroiz eta Urrutikoetxea-Larunbe izango dira aurrez aurre binakako torneoaren barruan. Amaitzeko, Elordi-Tolosa eta Peña II-Imaz bikoteek neurtuko dituzte indarrak. Xabier Euzkitzek eta Joxan Tolosak gidatuko dute ETB1en eta eitb.eus-en jarraitu ahal izango den emanaldia.