telebista
22:30ean
'Embarazados' komediaren estreinaldia, gaurko 'LND'n
EITB
Saioak, gainera, Ryan Reynolds eta Salma Hayek aktoreak hartuko ditu protagonista, eta, gainera, Hollywoodeko aktoreek ezkonbidaia egiteko tokirik gustukoenak zein dituzten jakinaraziko du.
Gaur gauean, 'La Noche de...' saioak Embarazados komedia dibertigarria estreinatuko du telebistan. ETBren partaidetzarekin ekoitzitako filma da, eta Donostiako kaleetan filmatu zuten. Alexandra Jimenez eta Paco Leon dira protagonistak, 40 urte bete ondoren seme-alabak izatea erabaki duen bikote baten paperean, eta Ernesto Sevilla, Alberto Amarilla, Goizalde Nuñez, Belen Lopez, Maribel Salas eta Elisa Mouliaa ere daude aktore zerrendan. Felix Linaresek pelikularen datu guztiak emango ditu emanaldiaren aurretik.
Horrez gain, Ryan Reinolds eta Salma Hayek aktoreak izango ditu protagonista 'LND'k. El otro guardaespaldas filma estreinatu berri dute, Kevin Costner eta Whitney Houston aktore ezagunen El Guardaespaldas film mitikoaren parodia. La pareja ideal atalak bi protagonisten ibilbide pertsonalak aztertuko ditu, eta bizitza errealean bikote izateko aukerarik duten aztertuko du.
Bestalde, El gran verano atalean, Hollywoodeko aktoreek ezkonbidaia egiteko dituzten tokirik gustukoenen berri emango dute.
Amaitzeko, Robert Mitchum aktorearen jaiotzaren 100. urteurrenean, haren hautsak whiski destilategi batean bota zituzten ala ez argituko du Los archivos secretos de LND atalak.
'La Noche de... Embarazados' astearte honetan izango da ikusgai, 22:30etik aurrera, eitb.eus-en eta ETB2n.
ETB2n.