telebista
Kirolak zuzenean
Olaizola II-Elezkano II, gaur, zuzenean
A.A.| EiTB
Lau t'erdiko Txapelketako partidaz gain, Leioa-Bilbao Athletic futbol neurketa izango dugu ikusgai.
ETB1ek eta eitb.eus-ek zuzenean eskainiko dute larunbatean Iruñean Aimar Olaizolak eta Danel Elezkanok jokatuko duten Lau t'erdiko Txapelketako norgehiagoka. Emanaldia 18:00etan hasiko da, eta Josetxo Lizartzak, Jokin Errastik eta Xabier Anduezak egingo dute kontakizuna. Partida nagusiaren ostean, Arteaga-Beroiz eta Laso-Ibai Zabala bikoteak izango dira aurrez aurre.
Pilotaren aurretik, 16:00etan, Bigarren B Mailako Leioa- Bilbao Athletic neurketaren kontakizuna egingo dute Naxari Altunak eta Juanan Larrañagak.
Goizean, 11:00etan, ETB4n eta eitb.eus-en, Durangoko zesta punta torneoko finalak izango ditugu ikusgai. Xabier Larrañaga eta Felix Espilla izango dira esatariak.
