telebista
22:00etan
Larraintzarko pilota jaialdia, gaur gauean, ETB1en eta eitb.eus-en
A.A. | EiTB
Peio Etxeberria nafarrak lehen partida jokatuko du profesionaletan. Rezusta lagun duela, Retegi eta Merino II.aren aurka arituko da.
Gaurko 'ETB Kantxa' saioa Nafarroako Larraintzartik (Ultzama) eskainiko da zuzenean, 22:00etan. Bertan, Peio Etxeberria pilotariak debuta egingo du profesionaletan. Zenotz kontzejuko gazteak, Beñat Rezusta lagun duela, Julen Retegiren eta David Merinoren aurka neurtuko ditu indarrak. Partida nagusiaren aurretik, Gorka-Tolosa eta Dario-Lasa IV.a bikoteak izango dira aurrez aurre.
Pilota emanaldia 22:00etan hasita jarraitu ahalko dugu ETB1en eta eitb.eus-en, Xabier Euzkitze, Joxan Tolosa eta Xabier Andueza esatarien kontakizunarekin.
ntakizunarekin.