telebista
16:25etik aurrera
Tolosako pilota jaialdia, gaur arratsaldean, zuzenean, ETB1en eta eitb.eus-en
A.A.| EiTB
Txapelketako bi partida jokatuko dira: Ugalde-Erostarbe / Elordi-Tolosa eta Bengoetxea VI-Larunbe / Altuna III-Martija.
Gaur arratsaldean, Inauterietako azken egunean, Tolosako Beotibarren izango den pilota jaialdia zuzenean eskainiko dute ETB1ek eta eitb.eus-ek, 16:25etik aurrera.
Hasteko, Promozio Txapelketako Ugalde-Erostarbe / Elordi-Tolosa norgehiagoka jokatuko da. Segidan, Bengoetxea VI-Larunbe eta Altuna III-Martija izango dira aurrez aurre, Binakako Txapelketako 12. jardunaldiko azken partida izango dena. Amaitzeko, Victor eta Untoria, Arteaga II.aren eta Ladis Galarzaren aurka lehiatuko dira.
Iñigo Aiestaranek gidatuko du emanaldia, Joxan Tolosa aditua lagun duela. Xabier Anduezak eguneko protagonistak elkarrizketatuko ditu.
