telebista
22:30ean
Matthew McConaughey protagonista duen 'El inocente' filma, gaur, 'LND'n
EITB
Saioak, gainera, Woody Harrelson aktorearen inguruko erreportajea eskainiko du, eta azken orduan aldatu dituzten aktoreen inguruan arituko dira.
Gaur gauean, 'La Noche de…' saioak El inocente filma eskainiko du. Epaiketa giroko intrigazko pelikula da, eta Michael Connelly idazlearen izen bereko best seller ospetsuan oinarrituta dago. Matthew McCounaughey du protagonista, eta Ryan Phillipe, Marisa Tomei, Brian Cranston, William H. Marcy, Michael Peña, Josh Lucas eta Michael Paré aktoreak ikusiko ditugu harekin batera. Felix Linaresek pelikularen datu guztiak emango ditu emanaldiaren aurretik.
Saioak, halaber, Woody Harrelson aktoreari buruzko erreportajea eskainiko du, haren bizitzaren hainbat bitxikeriaren berri emanez. Adibidez, jakingo dugu Harrelsonen aita mafiarentzat lan egiten zuen hiltzailea zela. Gainera, Harrelsonek bere lagunekin poker partidak antolatzen ditu, eta lagun horiek Hollywoodeko aktore oso ezagunak dira.
Bestalde, Hollywoodeko izarren lehen pelikulak erakutsiko ditu saioak, eta, amaitzeko, bere lanetik bota izan dituzten aktoreen berri emango dute También son humanos atalean.
'La Noche De... El inocente' gaur izango da ikusgai, 22:30ean, eitb.eus-en eta ETB2n.
