'Altsasu, gauaren muturrerainoko bidaia' erreportajeak, audientzia harrera bikaina

Astearte gauean ETB1ek eskaini zuen 'Altsasu, gauaren muturrerainoko bidaia' erreportajeak harrera bikaina izan zuen: % 6,3ko audientzia zatia eta euskaldunen arteko % 18,4ko kuota bereganatu zituen. Hainbat ikuspegitatik aztertu zuen erreportajeak Altsasuko zortzi gazteen epaiketaren kasua, eta 101.000 ikus-entzuleko audientzia metatua lortu zituen emanaldian zehar Euskadin eta eragin eremuan.

Horrez gain, Altsasuko auziaren analisiarekin jarraitu zuen ondorengo 'Ahoz Aho+' saioak bere daturik onena lortu zuen: % 6,5eko audientzia zatia eta % 20,8ko kuota euskaldunen artean. Saioa Martijak aurkeztutako albistegi bereziak 79.000 ikus-entzuleko audientzia metatua izan zuen.