telebista
ETB eta eitb.eus
Giroko 9. etapa eta Ezkurdia-Altuna III partida, gaur, zuzenean, EiTBn
A.A.| EiTB
Bilbao Athletic-Tudelano norgehiagokak, Eusko Label sariko jardunaldiak eta Iruñeko Half Triathloiak osatuko dute eguneko kirol eskaintza.
Italiako Giroa izango dugu eguneko lehen kirol hitzordu nagusia igande honetan ETB1en eta eitb.eus-en. 225 kilometroko Pesco Sannita-Gran Sasso ibilbidea osatu beharko dute. 13:05etik aurrera izango dugu ikusgai Fermin Aramendiren, Xabier Usabiagaren eta Alfontso Arroioren kontakizunarekin.
17:15ean pilotaren txanda izango da. Bilboko Bizkaia pilotalekuko jaialdia izango dugu ikusgai honako partida hauekin: Retegi-Rezusta / Jaka-Martija, Ezkurdia-Altuna III (Buruz Buruko Txapelketa) eta Dario-Erostarbe / Etxeberria-Irusta. Xabier Euzkitze, Joxan Tolosa eta Elena Azpeitia izango dira esatariak.
18:00etan Bigarren B Mailako futbol emankizuna izango dugu ETB4n eta eitb.eus-en. Bilbao Athletic-Tudelano norgehiagokaren berri emango dute Naxari Altunak eta Juanan Larrañagak.
Eguneko kirol eskaintza aurreko astean Getarian jokatutako aizkolarien banakako Eusko Label sariko jardunaldiarekin (11:00) eta Iruñeko Half Triathloiaren laburpenarekin (12:00) osatuko da. Biak ala biak ETB1en eta eitb.eus-en emango dira.
