'El Libro de los Negros' filmaren estreinaldia, gaur gauean, 'La Noche De...' saioan

Gaur gauean, 'LND' saioak El Libro de los Negros Kanadako telesaila estreinatuko du telebistan. Izenburuak Ameriketako Estatu Batuetako Independentzia Gerraren garaiko liburu bati egiten dio erreferentzia. Britainiarren alde borrokatu ziren esklabo beltzen izenen zerrenda bildu zituzten bertan. Gerra amaitu ostean askatasuna lortuko zutela eta Kanadako lurraldeetako kolono berriak bihurtuko zirela agindu zieten gerran parte hartu zuten esklaboei.

Telesailak aktore bikainak ditu, eta Cuba Gooding Junior, Ben Chaplin, Louis Gassett eta Aunjaunue Ellis nabarmentzen dira horien artean. Felix Linaresek telesail horren grabazioaren eta aktoreen gaineko datu guztiak emango ditu, eta bi zatitan eskainiko dute: lehen bi atalak gaur izango dira ikusgai, eta bihar gauean eskainiko dituzte beste biak.

Bestalde, La Pareja Ideal tartearen beste atal bat eskainiko du 'LND'k, Dwayne Johnson eta Neve Campbell aktoreak protagonista dituela. Halaber, Kanadako parajeak izango dira ikusgai Si lo sé no vuelvo atalean, eta filmetako esaldi esanguratsuenak eskainiko dituzte amaitzeko.

'La Noche de… El Libro de los Negros' gaur izango da ikusgai, 22:30ean, ETB2n eta eitb.eus-en.