'Una Historia de Vasconia' saioak %10,6ko audientzia zatia lortu du

Alberto Santana historialariak aurkeztuta, 'Una Historia de Vasconia' saioak bere lekua hartu du ostegunetako ordutegi nagusian. Aste honetako emanaldiak %10,6ko audientzia zatia lortu zuen, saioaren denboraldiko daturik onena. Euskal mitologia aztertu eta pertsonaia mitologiko ezagunenen jatorria azaldu zuen aste honetako atalak, eta 193.000 ikus-entzuleko audientzia metatua bereganatu zuen Euskadin eta eragin eremuan.

'Una Historia de Vasconia' dokumental sailak arrakasta handia izan du ETB2n eta denboraldian zehar, bataz beste, %9,7ko audientzia zatia eta 197.000 ikus-entzuleko audientzia metatua lortu ditu.