'El Accidente' telesailaren amaiera, gaur gauean, ETB2n

Datorren igandean, El Accidente (L’Accident, 2017) telesail laburraren amaera eskainiko du ETB2k. Edwin Baily zinemagileak hartu ditu bere gain ekoizpen frantziar honen zuzendaritza lanak. Bertan parte hartzen duten aktoreen artean, Bruno Solo, Charlotte Talpaert, Rose Montron eta Charlotte des Georges dira aipagarrienak.

Rebecca Cauvyren gorpuaren aurkikuntzarekin hasi zen telesaila. Bretainiako Sainte-Lune herriko eremu lasai eta baketsu batean aurkituko dute emakumea. Lehen ikerketen arabera, alkoholaren eraginpean zegoen emakumea auto-istripua izan zuenean. Alargunak, Gabrielek, ez du sinetsiko istripua izan denik, eta gertatutakoa argitzen saiatuko da. Solène agentearen laguntzarekin, ikerketa abiatuko du. Susmoak handitu ahala, Gabriel bere bizitza arriskuan jartzeko prest egongo da, egia aurkitzeko.

Telesailaren lehen atalak pasa den igandean eskaini ziren, eta gaur eskainiko da istorioaren amaiera. Ez ezazu galdu, 22:10etatik aurrera, ETB2n.