Giroko 13. etapa eta Irurtzungo pilota jaialdia, gaur, zuzenean

Gaur, Euskal Telebistak eta eitb.eus-ek 13:30ean egingo dute bat Italiako Giroarekin. Goi mendiko etapa dugu hamahirugarrena Pinerolo eta Ceresole Reale artean jokatuko dena, hiru mendaterekin: Colle del Lys de Val Susa, Pian del Lupo eta azken igoera Colle del Nivoletera. Fermin Aramendi, Alfontso Arroio, Xabier Usabiaga eta Alessandro Ruta arduratuko dira kontakizunaz ETB4n eta 15:00etatik aurrera ETB1en.

Bestalde, ostiraleko 'ETB Kantxa' saioa Irurtzundik emango da, zuzenean (22:00, ETB1 eta eitb.eus). Elezkano II - L. Galartza vs Irribarria - Martija eta Lau t'erdiko San Fermin Torneoko Retegi vs Etxeberria partidek osatuko dute jaialdia. Xabier Euzkitze, Joxean Tolosa eta Ibon Gaztañazpi izango dira esatariak.