telebista
16:15ean
'Abordatzera 2019' gaur, zuzenean, ETB1en eta eitb.eus-en
EiTB
Xabier Sukiak eta Erik Urbietak zuzenean eskainiko dute ekitaldia, eta Maite Eskarmendi eta Odei Esnaola kazetariek portuko eta hondartzako giroa jasoko dute.
Informazio gehiago (1)
Piratek Donostia hartuko dute gaur arratsaldean, eta ETB1ek eta eitb.eus-ek zuzenean eskainiko dute Donostiako Aste Nagusiko ekitaldi ikusgarri hau, 16:15etik aurrera. Xabier Sukia Euskadi Irratiko esatariak eta Erik Urbieta Intxaurrondo auzoko Traganarruak kofradiako kideak egingo dute 'Abordatzera 2019' emanaldiaren kontakizuna.
Halaber, Maite Eskarmendi eta Odei Esnaola kazetariak portuan eta hondartzan ibiliko dira, bertako giroa bildu eta protagonistak elkarrizketatzeko. Gainera, baltsak portutik nola irteten eta Kontxako hondartzara nola iristen diren erakutsiko du saioak.
Bestalde, piraten txupinazoaren irudiak eskainiko dira, eta kofradia eta kuadrilla ezberdinetako kideekin arituko dira portuan baltsak prestatzen. Gainera, arratsaldeko ekitaldiaren aurreko piraten bazkarian ere izango dira.
