telebista
22:30ean
'7 días en Entebbe' pelikularen estreinaldia, gaur gauean, 'La Noche de...'n
EiTB
Saioak Jeff Bridges aktorearen ibilbidea errepasatuko du, eta 'Adivina quién es' eta 'La historia según Hollywood' atalen emanaldi berriak eskainiko ditu.
-
'7 días en Entebbe' filmaren irudia. EiTBko bideo batetik ateratako irudia
Gaur gauean, 'La Noche de...' saioak 7 días en Entebbe lanaren estreinaldia eskainiko du. Ugandako aireportuan bahitu zuten hegazkin baten inguruko istorioa da, benetako gertakarietan oinarritutakoa. Rosamund Pike eta Daniel Brühl aktoreak dira pelikularen protagonistak, eta Felix Linaresek filmaren datu guztiak emango ditu pelikula eskaini aurretik.
Horrez gain, Jeff Bridges aktorearen familiaren berri emango digu saioak, El gran Lebowski filmaren aktore protagonistaren 70. urtebetetzea hizpide hartuta.
Bestalde, Adivina quién es atalak aktore ospetsuen haurtzaroko argazkiak erakutsiko dizkigu, eta La historia según Hollywood tartean, berriz, kamikazeen benetako istorio harrigarria ezagutuko dugu.
'La Noche de... 7 días en Entebbe' gaur izango da ikusgai, 22:30ean, ETB2n eta eitb.eus-en.
