Kanibalen jokoa iritsi da 'El Conquistador' saiora!

Gaur gauean "El Conquistador del Caribe" saioaren atala ez da mizkinentzako egokia izango; izan ere, kanibalen proba iritsi da ETB2ko reality-ra. Urtetik urtera lehiakideek nazka eta beldur gehien dioten probetako bat izan ohi da hau.

Abenturako saiorik odoltsuenak gure abenturazaleak ze azal daukaten erakutsiko digu. Kanpamentu aberatsera joan nahi badute, nazkak motxila barruan utzi beharko baitituzte.

Hiru taldeak behar eta taktika ezberdinekin iritsiko dira proba honetara. Urdinek eta gorriek euren arteko borroka gisa hartuko dute inmunitate-jokoa. Batak bestea blokeatzea dutela helburu diote bi taldeek. Berdeek desabantaila handiak dituztela proba honetan uste dute eta garaipenetik kanpo utziko dituzte hasieratik.

Patriren talde berdeak ere badaki desabantailak dituztela, batez ere, altuerari dagokionean. Hori dela eta, borroka taktikoagoa prestatuko due joko honi begira. Partaidez gehiago eta bizkorragoak direla probestu nahi izango dute, aurkariak ezustean harrapatu ahal izateko.

20 minutuko sufrimenduaren ondoren jakingo dugu hiru taldeetako nor joango den kanpaleku aberatsera.

Ez ezazu galdu gaur gauean "El Conquistador del Caribe" saioaren 13. atala. 22:30ean izango da ikusgai ETB2n eta eitb.eus-en. Orain arte emititutako atal guztiak EiTB Nahieran daude.