telebista
22:30ean
'Mea culpa' filma, gaur gauean, "La Noche De..." saioan
EiTB
Horrez gain, duela 60 urte estreinatu ziren 'Psicosis' eta 'El apartamento' film klasikoak gogoratuko ditu saioak.
-
'Mea Culpa' filamren irudia, EiTBko bideo batetik ateratakoa
Gaur gauean, "La Noche de..." saioak Mea culpa thriller frantziarra eskainiko du, intrigaz eta suspensez beteriko filma. Kontu-garbitze baten lekuko izateagatik mafiak polizia ohi baten semea mehatxatzen du. Vincent Lindon, Gilles Lellouche, Nadine Labaki eta Max Baissette de Malglaive dira aktore protagonistak. Félix Linaresek ekoizpenaren datu guztiak emango ditu emanaldiaren aurretik.
Bestalde, "La Noche de..."k Liz Hurley aktore eta modelo britainiarraren inguruko erreportajea eskainiko du haren 55. urtebetetze egunean. Gainera, duela 60 urte estreinatu ziren zinemaren bi film klasiko gogoratuko ditu saioak: Alfred Hitchcocken Psicosis eta Billy Wilderren El apartamento.
Hasteko, Archivos secretos atalak Jack Lemmon El apartamento filmaren aktore protagonistaren jaiotza hartuko du hizpide. Egia ote da Lemmon igogailu batean jaio zela?
Tu banda sonora favorita atalak, ordea, Psicosis filma ekoitzi eta estreinatzeko orduan soinu bandak izan zuen garrantzia azalduko du.
"La Noche de... Mea culpa" gaur izango da ikusgai, 22:30ean, ETB2n eta eitb.eus-en.
