CaixaBank Masterseko bigarren finalerdia eskainiko da gaur gauean, zuzenean

ETB1ek eta eitb.eus-ek binakako bi pilota partida eskainiko ditu gaur gauean Logroñoko Adarraga pilotalekutik zuzenean, "ETB Kantxa" tartean. Agirre eta Salaverri II.ak emango die hasiera gaueko kirol emanaldiei, Arteaga II eta Untoriaren aurkako neurketan. Horren ondoren, Caixabank Txapelketako finalerdia jokatuko da. Bertan,  Olaizola II-Zabaleta eta Altuna III-Imazen arituko dira aurrez aurre. Bi partiden zuzeneko jarraipena Xabier Euzkitze, Mikel Idoate eta Elena Azpeitiaren esku egongo da.

Ez galdu bi partidak, gaur, 21:15etik aurrera, ETB1en eta eitb.eus-en.