telebista
Audientziak
265.000 ikus-entzulek jarraitu zuten igandean Lau t'erdiko finala
EITB MEDIA
Larunbatean jokatutako Lau t'erdiko promozioko finala, aldiz, euskaldunen artean nagusi izan zen, % 18,8ko kuotarekin.
-
Jokin Altuna, lau t'erdiko txapelketako garailea. EITB Mediaren bideo batetik ateratako irudia
Igande arratsaldean, "ETB Kantxa" saioak zuzenean eskaini zuen Lau t'erdiko finala. Jaka eta Altuna III.aren artean jokatutako partida bere ordu tartean nagusi izan zen, eta % 21eko audientzia-zatia bereganatu zuen. Euskaldunen artean, aldiz, % 26,5eko kuota lortu zuen eta 265.000 ikus-entzuleko audientzia-metatua izan zuen Euskadin eta eragin eremuan.
Bestalde, larunbatean jokatutako Lau t'erdiko promozioko finalak ere datu onak izan zituen. Elordi eta Egiguren V.aren norgehiagokak % 8,8ko audientzia-zatia lortu zuen, eta euskaldunen artean % 18,8ko kuota. Halaber, 108.000 ikus-entzulek egin zuten bat partidarekin emisioko uneren batean.
