'Químicos tóxicos: El enemigo invisible', gaur gauean, "Aquí y Ahora" saioan

Bizitzarako beharrezkoak diren substantzia kimikoz inguratuta bizi gara, baina horien artean, gure osasunean eragin dezaketen pozoi ikusezinak ezkutatzen dira. Eider Hurtadok zuzendutako "Aquí y Ahora" erreportaje saioak Osasunaren Mundu Erakundeak eta komunitate zientifikoak dagoeneko ohartarazi duten arazo bati erreparatuko dio igande honetan: gaixotasunak eragin ditzaketen ehunka konposatu kimikoren artean bizi gara. Gai honetan sakontzeko, hainbat aditurekin egongo dira: besteak beste, Nicolás Olea Medikuntzako katedradun eta nazioarteko agintariarekin, eta Jesús Ibarluzea Eusko Jaurlaritzako Osasun Publikoko Zuzendaritzako kide eta Biodonostiako ikertzailearekin.

Horrez gain, Marcos Mazzuka zelula nutrizioan aditua den medikuak gure gorputzeko toxikotasuna nola neurtzen den azalduko du. Mazzukak Jorge Fernández aurkezlea tratatu zuen merkurio bidezko intoxikazioa izan zuenean. Nerea Reparaz kazetariak inguruko substantzia kimikoen kopuruari buruzko datuak emango ditu, produktu kosmetikoek gure gorputzean zein pestizidek fruta bezalako ohiko elikagaietan duten eraginari buruz hitz egingo du. 

Era berean, Europar Batasunean substantzia kimiko hauek ondo araututa dauden aztertuko dute, kezka handia baitago alor honetan. Enpresa kimikoak behartuta daude substantzia indibidualen neurriak kontrolatzera, baina ez dute aztertu behar hainbat kimiko ezberdinen efektu konbinatua. Benetako arriskua da hau kontsumitzaileentzat? 

Horrez gain, konposatu kimikoak haurdun dauden emakumeengan eta haurrengan duten eraginaz arituko dira. Gipuzkoako Inma proiektuak haurdunaldian eta bizitzaren hasieran, airean, uran eta dietan topa daitezkeen kutsatzaile garrantzitsuenen eraginak aztertzen ditu. Aitana Lertxundi EHUko Medikuntza Prebentiboko eta Osasun Publikoko adituak ama eta seme-alaben arteko transferentzia bertikalaren ondorioez hitz egingo du. 

Bestalde, Eva Mariaren testigantza gogorra ezagutuko dute: substantzia kimikoekiko duen tolerantzia minimoagatik Sentsibilitate Kimiko Anizkoitza garatu du. Carmen Navarro mediku espezialistarekin Eva Mariaren kasua eta beste gaixotasun ezezagunak aztertuko ditu saioak. 

Químicos tóxicos: El enemigo invisible erreportajea gaur izango da ikusgai "Aquí y Ahora" saioan, 22:30ean, ETB2n eta eitb.eus-en.