telebista
22:15ean
'Safe' telesailaren azken atalak, gaur gauean, ETB2n
EITB MEDIA
Zortzi atalez osatuta dagoen misterioz beteriko minisail britainiarra da. Larunbat gauean, abuztuak 14, azken lau kapituluak eskainiko dira.
-
"Safe" telesaileko irudia
Safe (2018) Harlan Cobenen eleberri batean oinarritutako telesaila da, eta, besteak beste, Michael C. Hall, Amanda Abbington, Hannah Arterton eta Marc Warren ditu protagonista.
Inor ez da dirudiena. Protagonista guztiek sekretuak ezkutatzen dituzte eta horietako askok iragan iluna dute. Alaba nerabea desagertu ondoren, Tom Delaney (Michael C. Hall) kirurgialari pediatrikoa bere inguruko jendearen ezkutuko kontuak deskubritzen hasiko da.
Tomek emaztea galdu zuen minbiziaren ondorioz, eta, bi alaba nerabeekin batera, Erresuma Batuko luxuzko bizitegi-auzo batean bizi da. Alaba nagusia desagertzeak lasaitasunik eza eragingo du komunitate osoan.
Gaur, 22:15 aldera, ETB2k telesailaren azken lau kapituluak eskainiko ditu. Emanaldiaren ostean, EITB Nahieran atarian izango dira noiznahi ikusgai.
