Mutilak eta abenturako lehen kanporatua, Goiz, gaur gauean, "El Conquis"en

Conquis komunitateak behin eta berriz eskatu ondoren, azkenean, heldu dira! Duela egun batzuk aurtengo denboraldiko 19 emakume protagonistak Los Haitisesera bidaia egin zuten baina, non daude mutilak? Gaur gauean, "El Conquis" saioak aurkeztu eta haien kastinak eskainiko ditu, Patxi Alonsok aurkeztuta.

Gainera, "El Coquistador del Caribe" saioaren hamazortzigarren edizioaren lehenengo biktima ere platoan izango da: Goiz. Kakaten duelua galdu eta Euskadira bidea hartu zuen Karibean ordu gutxi batzuk igaro ondoren. Bere egonaldia laburra baina bizia izan da eta platora iritsiko da berarekin batera aritu diren lehiakideen jokaldi makurrez hitz egitera.

Bestalde, gainontzeko duelistek kanpamendura egindako itzulera erakutsiko dute asteazkeneko saioan. Nola erantzungo dute Goizekin batera katamaranean poz pozik abesten egon direnak? Halaber, neskek lehen gaua hondartzan nola igaro duten erakutsiko du saioak: arroparik gabe lo egin dute, naufragoek bezala.

Ohiko conquistologoen iritziak ere jasoko ditu "El Conquis"ek, besteak beste, David, Eneko, Mikel, Nakor, Eider, Juanito, Durana eta Manu platoan izango dira, eta beraiekin batera, denek asko maite duten beste solaskide bat ere. Asteazkenean jakingo dugu nor izango den.

Conquis komunitatea ere protagonista izango da, Gaztea Conection setean egongo diren Oizeder Mayo eta Isma Pereiraren eskutik.

Abenturaren hasierak audientziaren harrera bikaina

"El Conquis" abenturaren lehen atala eguneko saiorik ikusiena izan zen Euskadin eta asteleheneko ordutegi nagusian lider izan zen % 24,8ko audientzia-zatiarekin. Halaber, 363.000 ikus-entzulek bat egin zuten saioaren emanaldiarekin Euskadin eta eragin eremuan.

Bestalde, "El Conquistador" saioak 30.800 erabiltzaile eta 108.000 orrialde ikusi izan zituen eta 25.000 pertsonek ikusi zuten saioa streamingaren bitartez.

Asteazkeneko "El Conquis" saioak abenturaren edizio honek piztu duen ikusmina mantenduko du, mutilen aurkezpenarekin eta hitz egiteko gogoekin iritsiko den lehen lehiakide kanporatuarekin.

"El Conquis" asteazkenero izango da ikusgai, 22:30ean ETB2n eta eitb.eus-en.