telebista
22:15ean
Napoli, gaur gauean "Vascos por el Mundo" saioan
EITB Media
Carolina Calvo kazetariak Italiako hiria ezagutuko du bertan bizi diren euskaldunen eskutik.
-
"Vascos por el Mundo" Napolin.
"Vascos por el Mundo" saioak Napolira egingo du bidaia gaur, bisitaria maitemintzen duen hiri kaotiko, neurrigabe eta anarkikoa hau gertutik ezagutzeko. Carolina Calvo kazetariak eta Santiago Roldán kameralariak Italiako Campaniako hiriburura joango dira, bertan bizi diren Ibone Rubio, Susana Herrero, Elisa Cuenca eta Maite Rogers euskaldunen eskutik hiria ezagutzeko.
Napoliren edertasunean, ondare aberatsean eta historian zehar murgilduko dira eta bertako gastronomia ospetsua ere ezagutuko dute. Hiriguneko kale estuetatik barrena abiatuko dira, hiriaren erritmoa sentitzeko.
Halaber, kostaldeko Amalfi eta Positano hiriak ezagutuko dituzte, baita Capri uhartea ere bai, munduko pertsonaia aberats eta ospetsuenek oporrak igarotzeko aukeratzen duten tokia.
"Vascos por el Mundo" gaur izango da ikusgai, 22:15etik aurrera, ETB2n eta eitb.eus-en.
